古仔豬籠入水吸金一億
近日古天樂以七位數字酬勞成為Xbox 360 Kinect無手掣體感遊戲代言人，早前他與兩位年約五歲的小朋友拍廣告，原來古仔冧小朋友有一手，小朋友爭着對他又攬又錫，更攬着狂啜古仔耳仔，古仔笑着對男孩說：「我毛管戙起雞皮喇！唔好咁大力啦！我連耳屎都畀你啜出嚟喇！」古仔自認思想傳統，將來定會組織家庭。回顧今年，古仔拍了超過六部電影和十五個廣告，有指收入高達一億港元，他沒有否認，只笑說：「所有收入只有阿媽知，我連瞓覺時間都冇，邊得閒問！」昨日古仔又出席XBox 360活動，亦賣口乖表示喜歡打機，尤其新年招呼親戚小朋友在家中打機時會刻意讓賽：「如果唔係佢哋就覺得唔好玩喇！」他又表示喜歡玩一些關於運動跳舞的遊戲，因為可以減肥出一身大汗。
古天樂被小男孩攬着狂啜耳仔，令他面容扭曲。
古天樂昨日出席XBox 360活動，與大班小朋友合照。