黃宗澤匿廁所避上鏡 撐行女友封后
黃宗澤（Bosco）趁今晚台慶頒獎禮前密密吸金，昨日到元朗出席活動Chok舞冧粉絲。同時入圍「最佳男主角」及「我最喜愛的電視男角色」的Bosco坦言，獲獎信心只得一半：「今年咁多猛人，平常心啦！」談到緋聞女友胡杏兒熱爆視后，問到是否已準備慶功？他笑說：「冇咁快，不過我不嬲都撐佢！」他表示不清楚陳志雲是否在微博撐杏兒。記者笑言若杏兒封后，鏡頭定必大特寫拍他，Bosco笑言要走為上着：「我即刻去廁所，等你哋搵我唔到。（會唔會同杏兒一齊感動到喊？）啋！但佢實喊到成隻嘢咁！」
此外，日前在鬧巿拍咀戲的Bosco笑言當時遭對手以「吸盤嘴」啜住，問到會否於杏兒封后時有樣學樣，施展「吸盤嘴」吻賀，他說：「大把人錫佢啦！陳生（陳志雲）、樂小姐（樂易玲）同監製都輪住錫啦！」
聖誕將留港吸金的Bosco，與將赴內地拍劇的杏兒「分居」。
Bosco對視帝寶座，信心一半一半。