日本靚女柴咲幸形象斯文有禮，但現實生活中竟然大癲大肺兼冇公德心！幸妹上月下旬完成全國演唱會後，相約工作人員慶功，在六本木的酒吧重溫演出影帶，玩足5小時後，轉往拉麵店醫肚。雜誌《FRIDAY》於凌晨4時，拍到戴小雲眼鏡的她興奮喪笑，咬着香口膠冇着鞋通街走，其後又將香口膠吐向花叢，冇晒形象！