諸葛紫岐男友呷狗醋
諸葛紫岐（Marie）家中有兩隻愛犬──狗女Oreo與狗仔Mario，現已一歲多，深得她歡心，起初更令男友薛嘉麟呷醋：「主席（薛嘉麟）成日話我理啲狗仔多過理佢，Oreo係男友送嘅，之後我先買多隻Mario做伴。（生日禮物？）唔係，好似話想我學吓照顧狗仔。（係咪想你實習湊BB？）唔知呢，不過主席好好笑，成日都分唔到邊個打邊個。」
問到有何趣事，她表示兩隻愛犬跳得很高，有次Mario大發脾氣：「佢嬲我同Oreo玩，佢就喺主席個公事包度屙咗舊屎，我哋見到就喪笑。」她又表示有次Oreo徘徊生死邊緣：「Oreo一歲多啲就有咗，醫生話佢仲有一星期先生，我哋有事唔喺屋企，有日工人見到Oreo生緊，有個BB頭出緊嚟，工人唔識就用手拉，Oreo暈咗又唔理，到第二個工人返屋企見到就送咗佢入院，最後要開刀攞咗兩個狗BB出嚟，Oreo仲搞到發燒，個工人可能內疚而辭職。」
Marie抱着愛犬Mario，母愛氾濫。
狗仔Mario深得Marie歡心。
Oreo曾徘徊生死邊緣。