孖畢佬辛潘鬥戲

對於年屆30歲、入行僅數載的女演員來說，能與畢彼特及辛潘等巨星合作，絕對是令人夢寐以求的事。出道僅4年的荷里活新星Jessica Chastain能與多位巨星切磋演技，與有榮焉！

出道不久已與幾位荷里活巨星辛潘、畢彼特和阿爾柏仙奴等合作，Jessica Chastain表示年中與辛潘和畢佬出席康城電影節：「我一隻手拖住辛潘，而另一隻手拖住畢彼特，感覺好虛幻！嗰次係我第一次出席康城電影節，好緊張、好興奮、好開心，我一世都唔會忘記！佢哋係我崇拜嘅巨星，不期然被佢哋嘅光芒迷倒！」

對於影壇初哥Jessica來說，康城電影節等同畢業舞會，自然會玩得盡興。她憶述當時與一名好友去派對玩通宵，休息幾小時後便為《生》片出席記者會，因心情太興奮，故未見疲態。

被睇好飾戴妃

憑演技取勝的Jessica，出道不久已片約不斷，拍畢《莎樂美》後，還有《寫出友共鳴》、動作片《The Debt》及《Coriolanus》等，直至最近她被睇好在新片《Caught in Fight》中飾演已故戴安娜王妃。對此，Jessica坦承有少少緊張：「我4年間拍咗11部電影，而其中6部喺一年內推出，我真係唔知我嘅人生將會點樣轉變？」