JC師妹拖男帶女遊美

名模Jessica C.師妹Angelina Anderson（洪子崎）自小在澳洲長大，早前與一班男女朋友到美國洛杉磯旅行，男友也有同行，首次踏足美國的她分外興奮，每天吃喝玩樂：「我從來都未去過美國，所以特別開心，出發前一晚仲興奮到瞓唔着。（有冇瘋狂購物？）當然有，我最開心係去Victoria's Secret狂掃貨，香港仲未有，而且間店好大間，我一口氣買咗幾套內衣。」

問到此行有否增磅？她表示沒有：「我好鍾意做運動，每日都會喺酒店做Gym。」至於有否艷遇，她笑說：「試過幾次喺街頭畀人問我叫乜名同攞聯絡電話，男友同一班朋友都在場，搞到我好尷尬，惟有笑住擰頭！」

Angelina（左）與女友人出海暢泳，大騷美好身段。

Angelina與男友暢遊美國，分外興奮。