阿Sa要陳偉霆慢慢等

蔡卓妍（阿Sa）前晚為無綫節目錄影時，談及近日楊千嬅及黎明等連環傳出「喜」訊，她即指還不是時候，更笑言比她後生的男友陳偉霆「等得」。

組合Twins、任賢齊（小齊）及林欣彤等前晚錄影無綫節目《全城響應助更生》，提到近日有很多圈中人傳佗「龍B」，Twins即雀躍地表示希望傳聞屬實：「係好開心嘅事，佢哋BB差唔多年紀，可以一齊玩！」由於阿Sa與男友陳偉霆感情穩定，記者笑問會否生BB？她說：「冇咁快！」又揚言不怕變高齡產婦：「我有個姨媽都係高齡產婦，接近50歲先生，BB反而係天才兒童。當然我唔會咁遲生，唔想同小朋友年紀差太遠。」記者再問男友「等唔等得」？阿Sa說：「當然等得，佢仲細過我！」又透露聖誕會與阿嬌在工作中度過：「我嘅世界唔只係得愛情，仲有工作同友情。」

小齊冇能力再生

而身為更生大使的小齊被追問會否再生時，他表示「兩個夠哂數」：「我嘅能力只夠照顧兩個，根據經驗，生BB要平衡工作同湊BB時間。」向來廣東話「馬馬虎虎」的小齊，由於要在活動上獻唱廣東歌，他擔心咬字不正令大家O嘴：「好耐冇唱廣東歌，我經常將國語、台語、廣東話幾種語言撈亂晒。」