樂瞳：證明自己有演技
今年憑《點解阿Sir係阿Sir》的學生妹「中女」一角上位的樂瞳，火速成為「宅男女神」，與黃智雯、馬賽、高海寧及龔嘉欣爭飛躍進步女藝人，以她與黃智雯被睇高一線。樂瞳日前接受訪問時說：「今年係入行後，進步最大嘅一年，出街都有人嗌自己角色名，自己都幾有觀眾緣！最開心係角色有得發揮，證明自己有演技！」由於5位候選者年紀相若，樂瞳也對黃智雯有讚冇彈：「佢演技出色，而且為人大方得體，我都好羨慕佢有咁多機會！」樂瞳坦言若然獲獎，一定會請《點》劇演員食飯慶祝，並感激高層樂易玲、監製劉家豪及梅小青賞識。
