MC Jin黃智雯互撐上位

今年飛躍進步獎爭持激烈，憑《潛行狙擊》打響名堂的「立青」歐陽靖（MC Jin）及「阿檬」黃智雯（Mandy）更雙雙入圍 ，十分厲害！

劇集《潛行狙擊》令MC Jin及Mandy雙雙角逐飛躍進步獎，二人戲裏戲外一樣老友，除表示「在公在私」都希望對方得獎外，更經常互讚。MC Jin大讚Mandy專業又開朗，Mandy則表示MC Jin平時雖然幽默，但埋位就很認真！

MC Jin表示當日知道要飾演臥底，即努力揣摩角色，務求讓演出更全面：「好開心劇集反應好，又有份拍電影版，勁喜出望外！」現在他人氣高企，更有市民叫他「立青」，他笑言要感謝「Laughing Sir」。問到他是芸芸提名人中，唯一非TVB的合約藝人？他說：「希望唔會受影響啦！雖然對自己有信心，但唔係贏硬，每位對手都好勁！」

望曬黑扮女警

至於07年參選港姐入行的Mandy表示，今年終願望成真，可以在頒獎禮的紅地氈！問到可有信心得獎？她說：「今年表現幾好！不過會同其他候選人互相鼓勵！（邊個係你最大勁敵？）我有留意馬賽嘅演出，佢今年產量多，而且不斷進步！」她希望可剪短頭髮及曬黑做女警，以多變形象示人。