名人趙世曾兒子趙式浩日前榮升父親，女友Winnie為他誕下兒子，並於日前低調出院。本報致電恭喜式浩，他最初詐傻否認，直至昨日才默認：「我唔想講住，想穩定啲先！」對於有傳反對兒子早婚，趙世曾昨日多番迴避問題：「佢咁後生，等佢大啲先決定！（好似你唔結婚咁自由自在？）我梗係自由自在，唔結婚對男人係開心啲，不過下一代嘅嘢等佢自己揸主意！」至於式浩母親盈盈透露冇得飲新抱茶，問到是否趙世曾不准兒子結婚？她說：「我唔知！（BB似邊個？）似式浩，亦有啲似爺爺，下巴兜兜！」
Winnie為式浩誕下男嬰後，日前低調出院。
趙世曾（右）覺得式浩還後生，但婚事由兒子話事。（資料圖片）
