黎明:3個月內唔講得

近日圈中喜事重重,黎明前晚出席首映禮時,被問到太太樂基兒(Gaile)是否有喜?他指不欲私事成為宣傳的焦點,並說:「3個月內唔講得!」

黎明、安志杰及謝婷婷前晚出席《鴻門宴》首映禮,安志杰更請來「未來外父」謝賢捧場。近日圈中先有陳慧琳宣布再度佗B,劉德華及楊千嬅亦傳喜訊,早前有傳Gaile有喜,問到黎明何時有好消息?身為「金句王」的他笑說:「唔好話我又講金句,我要套用一句『你哋乖啲啦!唔好問!』(你都乖啲,講啦!)中國習俗係3個月內都唔講得,有就自然會有,呢分鐘冇,有就話畀大家知!(有冇造人大計?)如果將私人嘢變做焦點就比較難,對我嚟講好難乖落去,請容許我曳一次!」黎明此番言論充滿暗示,似隨時公布做爸爸!

婷婷等末日結婚

至於安志杰則拖着女友婷婷到場,受訪期間,婷婷為男友拿着所有咪高峰:「佢早兩晚洗碗時整到,縫咗7針!」揚言心痛的她更透露當時廚房滿地血,狀甚恐怖!問到何時拉埋天窗?二人即相視而笑,婷婷更甜笑說:「佢話要等2012年12月21日,睇吓係咪世界末日先呀!」

影視組

黎明對喜訊不置可否,令人有無限聯想空間!

謝賢(右)親自撐「末來女婿」安志杰場,非常畀面!

樂基兒