林峯昨日拖着「嫲嫲」李香琴到電視城出席活動，無綫率先公布琴姐奪「萬千光輝演藝人大獎」。琴姐表示與無綫講感情唔講錢，必定鞠躬盡瘁，又大叫「TVB萬歲」，而林峯及樂易玲多次吻賀，非常高興！入行已65年的琴姐，指得獎很難得，又稱飾演「嫲嫲」一角深入民心：「喺街度有好多人都認得我，的士司機又要收平我，又有人拎簽名，我冇車大炮o架，Honest！」而「乖孫」林峯亦大讚琴姐敬業，問到有否想過得此大獎？他即笑說：「呢個目標好遠大、好唔簡單，真係要對演戲好有熱誠！」
林峯和樂易玲多次吻賀琴姐奪大獎。
