草蜢信心爆棚 揀靚衫拎獎
樂壇組合草蜢早前主持的綜藝節目《華麗明星賽》，在今屆頒獎禮中連獲「最佳綜藝節目」及「最佳節目主持」兩項提名。對於首次擔任主持便獲此佳績，可有信心奪獎？三子滿有信心地表示已準備好靚衫戰衣，隨時上台拎獎。蔡一傑覺得這節目是電視史上的一大突破：「節目出街之後，大家都覺得好新鮮、好新穎，連藝人都覺得好好玩，又有好嘢食！」蔡一智亦表示此節目能媲美教育節目，既可以玩，問題亦益智通識！
另外，伍詠薇亦同樣有份角逐此兩項獎，問到要與好友同場拗手瓜有何感覺？蔡一傑開玩笑說：「我諗都係得佢可以同我哋鬥，佢天生靚女，我天生靚仔，有能者居之啦！邊個拎都咁開心！」
草蜢與伍詠薇同爭兩獎，擺下擂台揚言有能者居之！
王祖藍（右起）和朱茵亮相《華麗明星賽》，與主持蔡一傑大擺Chok甫。