與千嬅分屬好友的梁漢文，昨日在電台宣傳明年舉行的演唱會，得悉千嬅疑似有喜嚇到眼凸：「早兩個月先搵佢做表演嘉賓，當時我仲問佢使唔使放產假，佢話：『冇咁易有啦！』係就好啦！但要單聲，我要搵人頂佢唱首《滾》喎！（有BB可以照唱？）唔好意思嘛！一陣傷到佢道真氣！」梁漢文前晚亦有欣賞千嬅演唱會，並到後台探班，但不覺得千嬅有異樣，說話仍中氣十足！至於丁子高的堂兄丁子峻則表示未收到喜訊：「如果係真當然好開心！丁家真係喜事重重！」
梁漢文前晚偕盧凱彤欣賞千嬅個唱，但未察覺對方有孕味。
