陳嘉桓受辱媽咪好心痛

陳嘉桓（Rose）經理人公司高層Ronnie原來是Rose媽媽！昨日Ronnie接受專訪解說Rose身世之餘，又坦言Rose最近壓力大，會考慮接受冼國林師傅建議，帶女兒看心理醫生。

在內地涉遭無禮攬啜後，一直在Rose身邊支持她的經理人公司高層Ronnie原來是陳嘉桓的媽咪！昨日記者就此先後向Rose師傅冼國林及Ronnie求證，二人均大方承認，冼國林指未有公開她倆的關係是不想影響Ronnie的工作，又大讚她們母女倆感情十分要好，值得單親家庭借鏡！

陪Rose睇心理醫生

最近Ronnie與Rose兩母女都承受很大壓力，故冼師傅建議Ronnie陪Rose看心理醫生。記者昨致電Ronnie，她透露會考慮冼國林的建議。談到Rose的身世，她坦然地說：「我16歲喺『母親的抉擇』生Rose，因為太細，唔識照顧佢，所以交咗畀一對冇小朋友嘅親戚照顧，到Rose12、3歲，我有獨立經濟能力，就接番佢同我一齊住，一直生活到依家，慶幸Rose由細到大都好乖，我真係好錫佢。」

問到有傳Rose爸爸是紋身師傅？Ronnie說：「我哋分開咗十幾年，佢爸爸有正職，我細仔都跟佢住，佢冇做過紋身師傅。」她透露以前做過酒店私人會所經理及化妝師，她很感激冼國林夫婦給予機會去學做經理人。

Ronnie回應Rose遭攬啜事件時說：「報咗警唔方便答，但作為母親我好心痛！」另一件令她難受的事，是昨有傳媒因為她與Rose的關係騷擾其家人，Ronnie希望媒體給予她們空間，有問題找她但別騷擾其家人！

洪天明殘爆自責

至於捲入「醉攬」事件後，馬德鐘連日來都在橫店片場開工，但記者昨日在其下榻的酒店守候卻未見蹤影。約下午3時，陳浩民舊愛佘詩曼由助手陪同下在酒店出現，問到有否跟陳浩民聯絡？她只笑而沒回應。另外，攬啜事件當日有份出席飯局的洪天明，昨日以憔悴鬚根Look首度出席活動。他自責當時因醉而沒保護Rose：「Rose係受害者仲要被指炒作，浩民已經認錯，希望大家畀機會佢！」他又感激未婚妻周家蔚的信任。