前晚Twins在海港城為《亞洲遊戲展》揭幕，由上海趕返港的蔡卓妍（阿Sa）一臉病容，她說：「開騷前一日已經喉嚨痛，可能綵排場地唔通風，搞到感冒！」男友陳偉霆知道她抱恙，問到會否叫對方陪睇醫生，她說：「唔會，怕記者影到傳我有咗！（有咗好出奇咩？）唔想喺呢個時間有。」
至於曾在微博留言撐陳嘉桓的鍾欣桐（阿嬌）表示，不會再回應相關事件，談及在內地工作，二人表示必定有助手陪伴，收工後亦會立即返酒店休息。二人又力撐網誌被公開的鄧紫棋：「童言無忌，佢份人幾得意，講嘢直啫！」
阿嬌（左二）與阿Sa有耐性地安排小朋友企好，母愛氾濫。
