Fans接機吶喊助威 林峯氣勢勁未選先贏

楊怡、林峯和陳展鵬昨晨抵達吉隆坡，大批Fans接機及舉牌吶喊，相比同機的胡杏兒、黃宗澤、陳敏之、黎耀祥、吳卓羲和鄭嘉穎等，三人未戰已先贏一仗。林峯識做地主動走到Fans面前玩親民：「我啲Fans好守秩序，今次除咗出席頒獎禮，仲會出席Fans為我搞嘅生日會，今年我以《不速之約》角逐『我的最愛電視男主角』，唔使再好似以前咁，講埋啲幾年前嘅舊作。」

陳展鵬對於在馬國火速冒起，他說：「開心Fans支持，出閘見咁多人接機都好意外，近兩個月我拍多咗嘢，多咗人識，早前又嚟呢邊為astro台拍新年特輯，觀眾對我有較深印象，我過身嘅外婆係馬來西亞華僑，每次返嚟我感覺特別親切。」

林峯與徐子珊到達時，大批「峯迷」恭候大駕。

戴上黑超的黃宗澤和楊怡等抵達吉隆坡機場。