嘉穎杏兒預演台慶捧帝后

被視為無綫視帝視后指標的《astro我的最愛頒獎典禮2011》，昨晚於馬來西亞舉行，鄭嘉穎和胡杏兒先拔頭籌，擊敗一眾強敵稱帝封后，增添兩人在台慶頒獎禮勝算，有望再下一城奪視帝后！

鄭嘉穎、謝天華、林峯、黃宗澤、吳卓羲、徐子珊、楊怡、胡杏兒和陳敏之等無綫人氣小生和花旦，昨日盛裝出席馬來西亞舉行的《astro我的最愛頒獎典禮2011》。大會今年頒發多個獎項，最矚目的「我的最愛電視男、女主角」競爭激烈，皆因這兩大獎是下周一舉行的《萬千星輝頒獎禮2011》視帝視后得獎指標。

感觸落淚

今年無綫台慶頒獎禮戰況激烈，男女主角分別為謝天華、鄭嘉穎，以及胡杏兒和陳法拉之爭。在昨晚的頒獎禮上，嘉穎和杏兒率先搶頭威，分別憑《怒火街頭》及《萬凰之王》擊敗對手，成為馬國視帝視后，恍如打下強心針，更增添兩人於台慶頒獎禮的視帝視后勝算！而《怒火街頭》亦奪得「我的最愛電視劇集」。嘉穎上台領獎時有感而發：「有人問我拎呢個獎，就拎唔到無綫嗰個（指視帝），我好矛盾，咁我會有定冇？」台下觀眾大嗌：「有！」嘉穎續說：「我個心都定啲！我要爭取講多啲嘢，因為冇乜幾可。」

杏兒在台上領獎時感觸落淚，台下的林峯即大叫「Bosco（黃宗澤）﹗」令杏兒表現尷尬，她說：「佢（Bosco）叫我唔好多謝佢嘛！」台下觀眾即時起哄，杏兒最後只好尷尬說：「咁我多謝你（黃宗澤）囉！」

大鬥性感

此外，花旦除爭獎還鬥性感，杏兒以性感透視長裙艷壓群芳，子珊則谷胸上陣、楊怡和胡定欣出動「V煞」及敏之騷長腿還擊；至於小生則全部西裝骨骨，齊擺Chok甫士冧粉絲。

至於賽前嘉穎接受訪問時曾表示，對於被指簽約換獎，他說：「我唔會接受，因為個獎已經冇價值，得唔到人認同！」