無悔公開戀情
公開戀情是藝人的忌諱，尤其是阿旦早已被認定與阿感一對，戀情或多或少對工作有影響，但她決斷地說：「我唔後悔！」她坦言聽盡冷言冷語：「以前有個導演Casting時同我講：『如果你以前唔係成日掛住拍拖，你一早唔只咁！』我即刻諗，係佢當年冇搵我啫！」
身為圈中人，阿旦當然明白娛樂圈的遊戲方法，但男友與其家人總覺得娛樂圈人事複雜，尤其是今次「分居」事件，更令家人擔憂：「我知道伯母好擔心，但搬走係為大家嘅工作同感情，分開住對大家都好。」
雖然暫時「分居」，但阿旦仍努力儲錢，希望兩、三年後結婚：「我唔係要世紀婚禮，但起碼佢要有個Idea去結婚，男仔30歲都仲後生，女仔想結婚就要開始計劃。」由她的說話中知道，步伐不一致令戀人的距離愈來愈遠，希望今次「過冷河」，有助她與男友關係好轉吧！
阿旦依然深愛男友，希望暫時「分居」有助二人改善關係。
事業上互相扶持的阿旦與阿感（中），曾一同出席台灣藝人小鬼的活動。