唐寧忠心Yellow護少主
出名是愛狗之人的唐寧，家中愛犬除了老大BB由父母帶來外，其餘老二Yellow、老三阿Boo及孻仔Coffee，都是唐寧收養的流浪狗。她笑言家中的梳化是愛犬的安樂窩，牠們閒時最愛躺在上面歎世界，而她與老公只會圍繞餐枱範圍活動，從不霸佔愛犬的地盤：「除非有客人嚟，我先會趕佢哋出花園。」
唐寧笑指愛犬十分為食，當中以阿Boo最誇張，每次開飯，牠都會坐上椅子扮「食客」，令她啼笑皆非：「佢會用蠟筆小新嘅眼神望住我，我每次都要花好長時間說服佢其實冇份食！」不少父母擔心犬隻與小朋友未能融洽相處，但唐寧卻非常放心：「佢哋個個都好錫阿B，尤其係Yellow，只要有客人嚟，佢就會牛咁眼(目及)住對方，見到對方伸手摸阿B，佢就會起晒弶，好忠心！」
每逢冬天，唐寧都會為愛犬穿上「溫暖牌」，當牠們是「親人」。
唐寧大讚Coffee聰明，經常氹到她笑騎騎。