鄧穎芝牛氣逼人「好味到不得了」

歌手鄧穎芝（Vangie）對食相當講究及要求高，近年愛上任飲任食放題，自認「嘴刁」的她笑言最緊要食物夠新鮮及「大件夾抵食」，她日前光顧自助火鍋店，面對多款特級肥牛，Vangie流晒口水高呼：「好味到不得了！」

歌手鄧穎芝透露小時候經常跟母親入廚，但甚少機會「表演」：「有時想煮吓飯，但媽咪嫌我手腳慢，成日叫我唔好搞住晒，可能佢嫌我『阻碇』，所以好多時都由佢煮。」Vangie坦言加入樂壇後甚少在家食飯，很多時要捱飯盒：「工作時真係冇乜時間坐低食，一單接一單。」

邊歎邊吹水

Vangie表示近年在朋友介紹下愛上和牛，更食遍全港九有和牛的食店：「有貴有唔貴，當然貴價嘅和牛會好食啲，靚嗰啲真係入口即溶。」Vangie爆料指目前很多和牛食店為迎合普羅大眾，特設任飲任食放題火鍋：「近年真係愛上咗自助邊爐，會有唔同等級和牛畀大家揀，當然收費都唔同，我覺得最緊要係新鮮同大件夾抵食，依家好多時出席朋友聚會都係揀任飲任食地方，一邊歎和牛一邊吹水，你話幾咁開心!」

拍攝當日Vangie有幸試食多款和牛，她熟練地先夾起和牛放入火鍋，然後左右搖擺兩下便上碟，她以食家口脗說：「牛肉唔需淥太熟，如果唔係就會韌。」當她將澳洲超級和牛放入口咀嚼後，即大叫Encore：「好味到不得了，真係可以推介畀朋友。（好貴？）唔覺，反而覺得物有所值。」

食店電話：3622 1804