前晚羅霖出席活動時表示有留意陳嘉桓事件，她直言誇張，激過電視及電影，並狠批陳浩民與馬德鐘：「兩位男士好過分，唔可以借醉行兇。（馬德鐘話捐錢？）捐錢咪令件事更差，佢應該同太太、囝囝懺悔。」不過，她又質疑陳嘉桓為何當時未有離開：「女仔要識保護自己，如果係我一定反枱兼摑佢一巴，冇理由留咁耐！我唔識佢，唔知佢係咪咁純！」另外，她稱剛做完亞姐淘汰賽，對於年屆47歲的施熙瑜被叮走，她笑說：「佢好有勇氣，佢有智慧，但美貌就你哋話呢？」
羅霖大鬧男方之餘，亦質疑陳嘉桓。
