天華代求情：希望大家原諒佢！
謝天華昨日出席新劇《女警愛作戰》開鏡活動，稱陳浩民認錯是一種承擔，是男人做的事。提到浩民搵老婆撐場備受批評，天華說：「支持老公啫！有家人支持對當事人好啲！希望大家可以適當地原諒浩民！（佢有貓紙？）當時場合唔容許佢講錯嘢，張紙係提醒佢！」
此外，曾跟浩民合作的梁漢文昨日現身環保活動，他說：「我同浩民當年都係華星歌手，有合唱過。（有冇去飲酒？）有！都有同女藝人去玩。（有冇玩得好親暱？）應該冇！咁耐我都唔記得。（佢戒酒？）我作為過來人係好贊成。」同樣曾與浩民合作的曹眾前晚出席活動時，對於舊拍檔認錯，她說：「唔知情！但以前同佢合作，冇印象佢喜歡飲酒，無綫忙到咁，邊有時間飲酒，不過我啱啱睇過《濟公》，佢做得好好。」
天華在新劇中演採訪主任，拿着相機、Chok住樣四圍影！
梁漢文以過來人身份支持陳浩民戒酒。