內地或控「流氓罪」

陳嘉桓早前因涉遭陳浩民及馬德鐘攬錫事件而在香港報警，消息指冼國林計劃下周就此事向內地公安報案。提及內地司法程序，熟悉內地法律的律師黃江天說：「呢件案唔喺香港發生，香港警方冇管轄權。陳嘉桓向內地公安報案，公安都會根據口供、表面證據研究案件係咪成立，公安一定會作出專業判斷。不過，佢哋未必會大費周章去調查呢件案件，第一舉證困難，要聽女方嘅證供邏輯合唔合理，第二依家陳浩民都唔喺當地，需要公安上報至北京公安部去聯絡香港警方。由於現階段只係指控，香港警方都要問男方願唔願意配合調查。但假設案件成立，內地司法部門可能以『流氓罪』控告有關人士。」