新婚不久的無綫藝員羅泳嫻（Iva），早前夥郭晉安拍電視劇《團圓》時，向已榮升爸爸的安仔請教生仔問題：「我未生過仔，有好多唔明白嘅地方，佢畀建議話最好自然生，唔好開刀，可以快啲康復。」雖然Iva老公相當怕血，但已承諾屆時會陪她分娩，果然是廿四孝老公！
她早前參演《心戰》，在劇中飾演臥底的她要扮妓女，為求神似，她墊了兩個Pad裝「胸」作勢，到廟街拍外景時引來不少途人目光：「嗰日着吊帶同短褲，去到廟街啲人見到我就大嗌『周秀娜』！」而拍攝當日氣溫不夠十度，冷得她邊拍邊手震！
Iva老公怕血，但仍答應陪產，難怪她的笑容如此幸福！
