顏子菲餐單感情一樣Dry

08年亞姐亞軍顏子菲選美出身，扮靚絕不馬虎，這日她接受秘製中藥Mask療程，令肌膚更潔淨及充滿光澤，提到護膚之道，她說：「會做磨沙去死皮，如果第二日要做嘢，之前一定保濕。」但她自稱不算貪靚之人，只怪香港空氣太差：「我細個冇咩護理意識，之前喺加拿大讀書時空氣好好，咩都唔搽，防曬都唔用o架！」

身高5呎9吋的子菲以高瘦做賣點，沒有深不可測的事業線，卻滿意身材，揚言絕不隆胸：「我驚副作用，而且我身形唔襯大胸，隆咗胸就唔係我啦！」側面看似足紙板人的她只得23吋腰，令人羨慕不已！見她經常周遊列國主持飲食節目，問到是否食極唔肥？她即時擰擰頭，自爆平日要「勒緊肚皮」犧牲不少美食：「出Trip時先食多啲，可以成日只係食菜、水果同烚蛋，都幾寡！」

提到感情生活，子菲表示跟其餐單一樣Dry爆，更笑言或有「社交恐懼症」：「鍾意留喺屋企睇電視上網，我知咁樣連識新朋友嘅機會都冇。」難怪乏人追求，曾受情傷的她現居於亞視宿舍，卻不羨慕其他女星釣金龜：「我有手有腳，想自己照顧自己，人哋嘅錢始終係人哋！」

場地：Eternal Beauty