江若琳打到武指爆缸

在鏡頭前扮演巾幗英雄的江若琳（Elanne）雖然有板有眼，但鏡頭後卻論論盡盡。事緣初次接觸刀劍的Elanne，與武指練劍時不慎刺傷對方而令對方「見紅」，認真夠殺傷力。

內地電視劇一部接一部的江若琳，目前身處敦煌拍攝內地劇《巾幗大將軍》。演過很多不同角色的Elanne，原來從未接觸過刀劍，這次有機會「落場」殺敵，Elanne及劇組均不敢怠慢，即找來武指進行特訓，令向來愛新鮮的她開心不已。

雖然Elanne在片場用心練劍，可惜「刀劍無眼」，與武指「格劍」時，Elanne因一時「手快」打中對方，原以為只是小事一樁，豈料發現武指流血時，她知道闖了禍，故第一時間衝上前慰問，更連番道歉。

硬撼武指樹枝

事後Elanne猶有餘悸地說：「因為係第一次揸劍拍戲，初初仲好似見到新玩具咁覺得好好玩，仲扮女俠擺晒甫士咁......依家搞到人哋受傷兼流血，真係好唔好意思！」她又表示幸好所用的是未開鋒的劍，否則後果可能更加嚴重。令Elanne更為難的是細心的武指為怕傷及她，才將自己的劍換成樹枝，豈料反而因此變得更傷。