王宗堯捱鬧拖埋官恩娜落水
向來健談的藝能新人王宗堯（Greg），近日竟遭網民狠批「纏住o靚模」！對此Greg大感無奈：「我識朋友只會睇對方心地好唔好，係咪有愛心，同埋孝唔孝順，至於佢係咪o靚模根本唔關我事。」雖然曾與o靚模DaDa（陳靜）拍拖，又曾被拍得與另一o靚模楊梓瑤（Carol）過從甚密，但Greg強調這兩位朋友只是「冰山一角」：「我同圈中好多人都好好朋友，只係大家唔知啫！好似蔡少芬咁，我之前同佢拍劇做咗好朋友，另外我同官恩娜、劉璇、潘源良、陳偉霆都好好傾……總之只要熱愛工作同運動嘅，都可以同我做到好朋友。」
