日前「餅碎」區文詩（Angela）到旺角舉行迷你音樂會，除唱出其新歌，還選唱了不少她喜歡的歌曲，音樂會中她邀得譚偉權（Gary）任嘉賓，她興奮地表示二人甚有緣分：「因為佢睇過我嘅舞台劇之後，我同佢喺音樂劇入面合唱，今次好開心佢嚟做嘉賓！唱歌嗰陣仲Feel到彼此嘅心意！」
Angela最近為新碟積極練歌兼練氣，她表示今次更為新碟提供不少概念：「呢個都係一個學習機會，好感激公司接納我嘅諗法！希望出新碟之後，大家可以知道我真我嘅一面。」
Angela跟Gary有緣又有默契，合作定能擦出火花！
