47歲施熙瑜叮出局

《2011亞洲小姐競選》「港澳特區賽區」15位候選佳麗昨日進行淘汰賽，參選時被批態度欠佳的47歲施熙瑜，是非多多，昨日被叮走，但她似心中有數，未見失望。反而年紀最輕的17歲佳麗康馨月被叮走一刻卻嘴藐藐。

候選的15位亞姐昨日在大埔亞視總台進行淘汰賽，她們逐一以三點式泳裝Catwalk出場，身材瘦削的(6)馮雪冰所穿的泳衣似乎衣不稱身，她將泳褲拉高遷就，郤險些走光。

評判團包括羅霖、黎燕珊、傅明憲、江華、黃家諾等，大會以頒發「感謝狀」形式將7位佳麗逐一叮出局，最後被叮的47歲(8)施熙瑜似心裏有數，未見太失望，她接受訪問時說：「冇咩失望嘅，可能自己做慣設計，舞台上嘅表演唔係咁適合自己。」問到可覺得因操行欠佳而被踼出局？她說：「我好介意啲報道咁講，呢啲唔係事實。」

康馨月Foul走嘴藐藐

反觀年齡最小、只得17歲的(7)康馨月被叮一刻卻嘴藐藐，似不服氣。她接受訪問時說：「冇不滿，我個樣係咁啪嘅，冇唔開心嘅意思。不過，話完全冇失望就係假嘅，可能輸在年紀太小，唔夠經驗。」康馨月落選後沒有流淚，在後台則看見同告出局的(12)陳立筠飲泣，但也不知如何安慰。評判傅明憲透露入圍佳麗大部分也是她的心水之選。至於順利入圍的佳麗包括(1)王家敏、(2)周嘉莉、(4)林微熹、(6)馮雪冰、(10)梁樂思、(13)馮虞軒、(14)胡主莉和(15)楊鑫婷。