陳靜：我會即刻打過

陳嘉桓在橫店拍戲期間發生被攬錫事件，連日獲各方力撐，繼陳嘉桓及陳浩民先後召開記者會後，藝人紛紛作出回應。

陳靜：冇同陳嘉桓合作過，只知佢好細個。作為女仔發生呢啲事當然唔開心，我係佢會即刻打過或者走。既然有勇氣報警，應該有勇氣大叫或者走，可能佢當時有啲醉。交畀警方處理，好快會知真相。

鍾采羲（Iris）：睇相以為陳嘉桓同陳浩民拍緊拖，好親密，如果唔係拍拖真係接受唔到，覺得好驚訝！女仔真係要識保護自己，冇男藝人咁樣對我。睇電視識陳浩民同馬德鐘，佢哋兩個都演正派嘛！

李曼筠

我之前都同過陳嘉桓一齊跟冼國林師傅學詠春，所以唔怕畀人攬錫！陳嘉桓應該係未反應得到，又冇機心，佢都好慘。

舒淇在微博轉播相關報道，報道當中寫有「老鼠屎」一詞，似乎暗示對兩位男藝人的不滿。

李詩韻：合作拍劇嗰時，陳浩民同佘詩曼傳緊緋聞，所以冇乜嘢。（佢公開道歉？）如果佢有做錯，道歉都好應該。

謝天華：呢啲係個別事件，希望大家唔好對娛樂圈嘅男性有負面印象，其實作為男士應該保護女性，唔應該欺負。