Fiona懶人愛網購

向來愛網購的薛凱琪（Fiona），昨日在上海出席購物網站活動時說：「購物網會幫人配襯埋，方便一啲懶人，之前我都有訂開，因為做藝人後好少時間出街，但網購就24小時都可以！（內衣都喺網上訂？）呢個咁私隱嘅問題，當然要保持神秘啦！」她坦言衣着口味要視乎心情：「我都幾極端，不過幾鍾意買啲男裝牛仔褲同Tee，因為有啲剪裁係女裝冇嘅！」她還趁着上海之行大擦至愛的大閘蟹，更品嘗地道私房菜，令她大快朵頤：「上海菜真係好好味！」

Fiona擺出靚靚甫士，狀態超好。