阿倫笑談「醉狼」建議多做運動
譚詠麟（阿倫）昨日出席「梅艷芳四海一心慈善基金」捐贈的學校多用途室開幕禮，與基金主席蘇蔡潔蓮一同剪綵。談及陳嘉桓被「狼吻」一事，他竟談笑風生地說：「明顯地係一個飲大咗、一個嚇大咗、另一個安慰緊囉！唔使向大眾交代，最緊要係向老婆述職！（陳嘉桓報警。）係咩？唔係喺佢身上打手印呀嘛？（你有冇試過要向老婆述職？）我酒量比較好，唔會咁易醉！我唔知佢哋有幾熟，我今朝睇報紙睇到哈哈聲，一定係飲大咗啦！好似曾志偉咁最好，冇攻擊性。（陳浩民老婆大肚，壓抑太耐？）要問佢本人，好多方法嘅，多做啲運動，舉吓啞鈴！」
此外，對於無綫與四大唱片破冰，阿倫表示暫未獲邀出席無綫活動：「入去可能會蕩失路，要搵番隻導盲犬幫幫手先得！」
阿倫與蘇蔡潔蓮為學校多用途室剪綵。