子珊開窿惡鬥透視Aimee

徐子珊、陳茵媺（Aimee）及胡定欣前晚於活動上大鬥性感，當中以子珊露肉指數最高，還被同劇的張可頤取笑似泳衣，但子珊否認是性感之最，笑言一切以「靚」行先！

徐子珊、陳茵媺、胡定欣及吳卓羲等《法證先鋒III》演員前晚大晒冷，聯同大批粉絲一同觀賞兩小時結局篇，三位花旦不約而同性感上陣，子珊的晚裝於兩邊腰位開窿騷纖腰，而茵媺及定欣則同以黑色透視裝亮相，儼如姊妹花！論搶眼度似乎子珊跑贏，同劇的張可頤則密實上陣，但她在劇集播至茵媺被射殺一幕時落淚，以另類方法搶鏡。對於三女鬥性感，子珊笑說：「冇呀！大家都係尊重場合，頭先都有偷望佢哋，其實我都唔係特別性感，係靚囉！哈哈！希望套劇結局收視再有突破，聽聞梁乃鵬博士之後會請食飯，我都想同可頤、卓羲佢哋請隊Crew食飯，等大家開心吓！」

定欣嘆死得唔夠激

而定欣在《法》劇中死狀恐怖，問到會否擔心惹投訴？她說：「我嫌唔夠血腥！個交叉血痕可以激烈啲，頭先睇到有啲片段好心酸。」即將拍攝新劇《名媛望族》的卓羲，透露原定與陳法拉及馬國明大玩三角戀，但如今法拉因病而辭演，暫未知誰人頂上。至於監製梅小青則指未知會否開拍《法》系列第四集，但劇集尾段已經埋下伏線，問到是否意味不會離開無綫？她說：「考慮吓啦！」

此外，《法》劇前晚結局篇平均收視為40點，最高43點，全劇平均收視為33點，暫時成為本年度的劇集收視冠軍。廣管局收到《法》劇大結局的三宗投訴，指過分血腥及暴力，而台慶夜亦收到兩宗投訴，指問答環節的答案不對及福祿壽跳舞環節猥瑣。