張家輝爆粗喊打
張家輝突然化身「娛圈判官」，對陳嘉桓（Rose）慘遭欺凌「狼吻魔爪」事件相當不滿，昨日他接受電話訪問時說：「我同我太太都係演員，同時亦身為一女之父，如果件事係真嘅，我支持交由警方處理囉！試想吓如果你係佢（Rose）屋企人，相信一定好傷心！（如果有人咁對你個女，你有咩反應？）我會打X死佢囉！飲醉酒都要為自己嘅行為負責任嘅！」
雖然家輝與Rose不相熟，但有感對方年僅十九歲，加上隻身在異鄉工作，身為前輩的理應多加照顧，而不是「踩多腳」。對於有指在橫店工作生活苦悶、消遣不多，男藝人很容易「犯錯」，他說：「我都去過嗰度拍嘢，犯唔犯錯睇人囉！記得要話畀大家聽娛樂圈其實唔係咁o架！」
張家輝提到陳嘉桓的遭遇，大為氣憤！（資料圖片）