Marina V.食勻三國變「辣」妹

混血模特兒Marina V.自小在零下幾十度的寒冬環境長大，但原來甚少吃麻辣食品保暖！直至近年轉攻東南亞發展，她才慢慢愛上這人間美食，日前試勻來自日本、中國及英國的辣菜佳餚，面不改容！

早前承認與男模黃家諾（Jimmy）有約會的中俄混血模Marina V.，自小於俄羅斯居住，習慣當地的寒冷氣候，有時更跌至零下幾十度！不過，俄羅斯菜甚少加入辣的元素，反而喜愛放大蒜，Marina說：「我哋好鍾意乜嘢都放大蒜，煲湯都會落，可以殺菌，有時甚至就咁攞嚟食！」由於家鄉菜欠缺辣味，她近年走訪東南亞時首嘗辣的樂趣，結果愈食愈上癮，她說：「我最初食嘅時候真係好討厭！後來食食吓就愈來愈鍾意。我最鍾意食泰國菜同韓國菜，特別係韓國泡菜，簡直食唔停口。」

配刺身夠新鮮

日前，Marina見冬意漸近，特地去商場試齊多國的麻辣菜式，首先到一家來自英國、主打正宗意大利薄餅的餐廳，點了雞肉沙律、香辣海鮮意粉及美國辣味薄餅。這款薄餅即叫即焗，用上匈牙利辣肉腸及辛辣的墨西哥辣椒，Marina一食上癮，自爆向來鍾情食墨西哥辣椒：「呢種辣椒係綠色，通常會切片放喺薄餅或者墨西哥菜入面，好多人都接受唔到呢隻辣味，但我就覺得一啲都唔辣，有少少酸味仲開胃！」而雞肉沙律就特別加入羊奶芝士，令味道更香！

其後，Marina轉攻另一間日本餐廳，自言愛日本菜健康又美味的她試吃辣味刺身沙律及炸軟殼蟹，讚沙律用料新鮮，挑選時令精選雜錦刺身，味道清新中微微帶辣，她說：「佢哋啲刺身用料新鮮，味道清淡但有少少辣味，因為加入咗秘製辣醬，好想買呢隻辣醬返屋企整沙律！」

可選不同辣度

食到飽飽的Marina最後去歎中國菜，點了水煮原條桂魚、水煮牛肉及大千雞，滿桌全是「紅噹噹」，稍一不慎咬中辣椒，隨時辣到講不出聲！原來兩碟水煮菜式均可選不同辣度，適合不同程度的嗜辣人士。Marina今次向中辣挑戰，水煮原條桂魚煮法是先爆香紅椒及花椒等材料，再加入辣椒油、生抽、老抽及高湯等，最後把已醃製及走油的魚肉燴至剛熟，保持肉質鮮嫩。嗜辣的她吃完依舊面不改容，讚大千雞外脆內嫩：「呢隻雞嘅味道好有層次，我分別食到辣、酸、麻同甜味，好特別！」有指「大千雞」是由著名畫家張大千先生所取名，寓意大千世界。

等黃家諾下廚

Marina V.曾經與崔建邦傳緋聞，早前又承認與黃家諾（Jimmy）有約會，雖未正式是男女朋友關係，但透露對方曾承諾煮餸給她品嘗：「我冇煮過嘢畀佢食，希望佢會煮畀我食，佢之前應承過會煮中國菜畀我食！」

（A）：3691 8691（B）：2265 7878（C）：2265 8488