許穎失裸照 Ella求刪相

向來言行大膽的模許穎昨日自爆曾遺失存有裸照的手機。而官恩娜（Ella）前晚亦透露日前遺失手機，擔心三點式玉照曝光，求拾獲者好心刪除照片。

昨日繼續大晒事業線出席活動的模許穎（Phoebe），自爆去年曾遺失手機，當中更存有裸照：「我鍾意影低自己身材，可以睇番Figure靚唔靚。」但Phoebe強調沒與男友拍慾照，最多攬攬錫錫，她又趁機暗寸新聞人物模謝芷蕙（Cammi）：「雖然得16歲，已經識整古做怪，覺得佢好得人驚！如果我係男仔見到佢都掉頭走。」

另一邊廂，Ella前晚與關楚耀（Kelvin）齊齊開騷，兩人的圈外拖友及家人捧場，騷後Ella透露日前遺失手機：「有啲之前旅行影嘅三點式相，入行七年都冇影過，唔想啲相流出，希望執到嘅人Delete咗啲相，賣咗部機就算喇！」她原想於電腦刪除照片，但程式錯誤：「已經人手Delete咗千幾張，諗住抖抖就跌咗，仲有千幾張！」

關楚耀感觸落淚

至於獻唱英文歌是否有意冧外籍醫生男友？Ella說：「佢識中文(o架) ！（佢全程呆坐喎？）唔好咁話佢啦！佢着住返工衫拘謹啲！」至於曾涉毒的Kelvin灑男兒淚，感激家人與歌迷不離不棄，並透露圈外女友為其演出給予不少意見。