Mr. RubberBand粉絲微博駁火

樂隊Mr.主音布志綸（Alan）和RubberBand主音6號，由樂壇鬥到影圈！據知6號原先接拍一部電影，但最後易角由Alan頂上，之後傳出兩人面左左，兩批粉絲更在微博掀罵戰！文：專案組

樂隊Mr.和RubberBand（RB）雖然在近年的樂壇頒獎禮上鬥得難分難解，但私下兩隊Band狀甚老友，但近日雙方關係起了微妙變化！據悉RB主音6號原先接拍新片《起勢搖滾》，與徐子珊及林欣彤等結片緣，豈料最後易角，由Mr.主音Alan頂上，繼而傳出兩大主音有心病兼面左左。

分開影海報

據知，Mr.和RB將於年底合作舉行《狂熱搖滾除夕倒數演唱會2012》，早前亦已拍了宣傳海報，但由於兩人被傳不和，故宣傳海報都要分開影，避免雙方碰面尷尬，關係勢成水火！

至於兩人的粉絲則在微博開火，力撐偶像，有疑似RB粉絲在Alan的微博留言，狂轟Mr.只懂抄歌，又踩Alan的歌藝不及6號，不過也有Alan粉絲撐偶像唱得好。

對於粉絲於微博掀罵戰，Alan昨日接受電話訪問時說：「冇睇到，但我叫過歌迷唔可以鬧人哋。（同6號不和？）梗係冇！（傳易角？）都冇影響大家，見面都唔會面左左。」