呂珊爆阿英情傾坡妹

許冠英感情生活向來低調,曾結識過一位叫Kayori的日籍女友,據知Kayori是許冠傑的歌迷,遇上阿英後,被對方的幽默風趣吸引,阿英曾舉行迷你個唱,女友亦專程來港捧場。

與阿英分屬好友的呂珊,昨日接受訪問時大爆阿英的情史,她表示七十年代開始認識阿英,一齊走埠登台,當年他們到新加坡演唱時,阿英邂逅她身邊一位好姊妹、名為孫寶玲(藝名「儼嚴」)的新加坡演員,所以她可算是阿英的「紅娘」。

對於阿英猝逝,呂珊說:「我成個呆咗,好突然!我成年冇見過佢,但半年前左右,可能佢要去新加坡做嘢,佢仲問我攞儼嚴嘅電話,我估係想聯絡佢,不過儼嚴已經結婚,好低調,我唔想多講。(仲掛住?)唔知,但當年佢哋都交往咗好幾年,至八十年代,後來因兩地相隔,好難維持!」

呂珊大爆阿英當年的情史,並表示曾充當紅娘。