Toby30歲前做媽咪

12月新娘梁靖琪昨日隆重其事，穿上Tube Dress婚紗，與未婚夫黃敏豪親手製作喜餅，結果被曾志偉取笑與其學人整餅，倒不如親手造BB！

現年28歲的梁靖琪（Toby）與準老公黃敏豪（Aaron），昨日在曾志偉及好姊妹鄧穎芝見證下，預演甜蜜出嫁，並以夫妻檔到奇華餅房製作喜餅，Toby說：「我哋下月6日擺酒，我仲未開始緊張。（幾時生BB？）一年後先啦！我出年一月喺台灣開婚紗店，總之生BB會喺30歲前。（請埋前女生宿舍拍檔陳美詩飲？）會呀！雖然女生宿舍好耐冇聯絡，但我有留意佢撞車新聞，希望佢早日康復。」

準新郎Aaron則說：「我好鍾意唱歌，參與過《雪狼湖》音樂劇，現職製衣業，擺酒當晚我都會唱，但唱乜要賣關子。」

志偉笑整餅不如造人

曾志偉則分享嫁「女」喜悅，並取笑Toby與其學人整餅，倒不如親手造人：「由細睇到佢大，當咗Toby係半個女，佢好乖，以前個個禮拜出嚟食飯，識咗Aaron之後影都冇埋。（幾時輪到你個女曾寶儀出嫁？）冇得逼，遇到啱嘅可以好快。」