Joey自嘲「飛機場」行性感

樂壇天后容祖兒昨日為澳門個唱召開記者會，提到個唱上的造型，她表示不介意性感，因不論有沒有身材，大家都希望她作性感打扮！

容祖兒（Joey）昨日為明年1月7日在澳門威尼斯人酒店舉行的澳門個唱召開記者會，她以黑色露背裙現身，騷白滑玉背，而經理人霍汶希（Mani）亦亮相撐場。

Joey透露個唱在造型及歌曲次序上有所改動，更大爆Mani叫她剃光頭！問到會否作性感打扮？她說：「都會！有冇身材大家都想我性感，台上適當性感我唔介意，最好係我性感大家唔會覺得難受，可能因為我形象都幾健康！（點形容自己身材？）暫時未有形容詞好得過『飛機場』！」

未驚過冇獎

提到日前缺席叱咤頒獎禮記者會，在旁的Mani說：「其實年尾撞咗好多電影同廣告，港台頒獎禮都撞咗澳門演唱會。」而Joey表示不怕因缺席而失落獎項。

至於Joey的填詞人好友黃偉文（Wyman）將於明年2月開騷，有傳不會邀請曾多次合作的楊千嬅，問到會否覺得Wyman落千嬅面？Joey說：「唔關我事唔講咁多好啲！我諗製造戲劇性話題，可能到時壓軸出現。」而Wyman前晚捧張敬軒場，否認與千嬅互爆粗的傳聞，又表示未決定嘉賓名單，但會找心中有美好回憶的人，並直認近五年少與千嬅聯絡，只是點頭之交。