豪門婚禮當儀式
人人都以為我嘅婚禮，必定係窮奢極侈，每次當有記者問我籌備婚禮嘅進度，我只會話一切交由老公搞。其實，婚禮喺我眼中只係一個儀式，甚至所有女人認為一生人中最重要、最講究嘅婚紗，我可以話你聽，我真係唔係咁重視！
兩個人嘅愛情，去到談婚論嫁、誓盟白頭到老，已經係感情嘅昇華，我哋願意結下呢個誓盟，唔通唔重要過一件婚紗咩？所以要影婚紗相，都係因為擺酒要有結婚相先影。哈哈！你話我懶又好，不拘小節又好，可以嘅話，我想連婚紗相都唔影。一切都只係身外物，我係佛教徒，更加明白物質係乜嘢一回事。我呢個想法，大家或者會好驚奇，但係我就係咁諗。