舌劍唇槍互寸10年

Eason與祖兒相識超過10年，曾經同屬英皇唱片公司旗下，唱得又玩得，幾乎每次碰頭都會互寸，爆出不少金句！

互封花名

早年，陳奕迅於記者會上取笑同場的祖兒「大牙肉」，祖兒即反擊封他「榕樹腳」，Eason未肯罷休：「你用詞不當，我腳冇樹根，去進修啦！」自此成為二人的「名朵」！

去年1月，Eason睇死祖兒於情人節冇禮物收！之後祖兒被問攞獎信心時，她乘機鬧爆男方，並說：「陳奕迅，踩扁佢！」

去年2月，祖兒擊敗Eason奪得傳媒大獎後講風涼話：「我好想同Eason一齊攞呢個獎！」Eason表示當年自己以21獎奪傳媒大獎，但祖兒只有19獎：「佢唔及我攞獎咁好反應！」

今年9月，Eason扭傷腳後，於微博自爆坐輪椅登機，被祖兒明寸是「跛神」：「佢兩隻腳都整親，冇腳行囉喎！用手行囉！」