Elke@冬甩生日會夠「黃」
早前o靚模組合冬甩成員陳芷敏（Elke）21歲生日，願望是工作順利及更多嘗試：「入行幾個月就有份影寫真同拍禁毒廣告，幾滿意，希望有得出國做嘢見識吓！（搵男友？）都好，想搵專一錫我嘅男友。」
一班熱情Fans為Elke搞生日會，她大讚每份禮物都充滿心思：「第一次同咁多人過生日，好熱鬧，特別難忘！佢哋知我鍾意黃色，所以有幾份係海綿寶寶嘅公仔。」她表示最深刻是有粉絲DIY書信及畫作，剖白對她的感受，更有Fans送上按摩公仔及頸鏈兩份禮物：「佢話送埋農曆生日嗰份，送按摩公仔係因為知我成日失眠。」
Elke狂收禮物，喜上眉梢。
Elke（右二）獲好姊妹Comi、Ice（左一、二）及Suki（右）送上祝福。
壽星女Elke與一班熱情男Fans慶祝生日，非常難忘。