陳霽平頻呼好彩
藝人陳霽平早前到泰國工作三日，甫返港當地便出現水災，她直言已是第三次避過災劫：「之前試過要去峇里拍旅遊特輯，但最後冇成行，點知當地就發生爆炸事件，之後都差啲遇上日本大地震，今次去泰國又係咁，自己算好彩，希望泰國快啲冇事！」
今次泰國之行，霽平邀得家姐作伴，她說：「工作嘅時候，有家姐陪住最開心，因為佢最清楚、了解我嘅需要同要求。」期間她又相約朋友到特色餐廳醫肚：「間餐廳好特別，有好多好靚嘅畫，喺度食飯好舒服。」
早前宣布甩拖的霽平，笑言在泰期間沒有艷遇：「泰國就冇，喺香港都有一啲追求者，自己都有好感，但暫時未發展，一切以工作為先。」
陳霽平在泰國寓工作於娛樂，食飯睇靚畫之餘，又與公仔人物合照。
陳霽平
赴泰國工作，陳霽平與家姐（左）同行，零舍放心。