胡諾言以六位數字續約擔任信貸公司代言人一年，今次已是雙方第三年合作，廣告商睇中胡仔的健康爸爸形象，還找來他的「妻兒」合作大賣溫情，胡仔笑說：「廣告裏面嘅妻兒其實合作咗三年，大家好有默契，『老婆』冇乜點變，但係『阿仔』就一年比一年大。我自己個囡囡就冇咁大，依家先兩歲，要繼續努力做嘢賺奶粉錢。」
胡仔完成劇集《回到三國》拍攝後，可暫時休息拍廣告搵銀，同時也能多抽時間湊女，他說：「拍劇時少咗時間見囡囡，好彩太太依家做兒童節目，時間穩定啲，大家配合到時間分擔湊女。」
胡諾言（左二）與「妻兒」團聚，齊齊整整再拍廣告。
