胡杏兒難點視帝燈

胡杏兒被視為今年視后大熱之選，她卻稱不感壓力，會以平常心看待，問到希望鄭嘉穎還是黃宗澤奪視帝？她笑言不由她選，會留待觀眾決定！

胡杏兒及苟芸慧日前於深水埗拍攝劇集《怒火街頭II》，杏兒今年擔正的《怒火街頭》及《萬凰之王》兩劇氣勢十足，有機爭視后，更被形容以大熱門姿態壓倒《潛行狙擊》的陳法拉，但杏兒坦言一切平常心看待，不由得自己去想。

杏兒感激之前網民的支持，已感開心及滿足，謙稱有獎拎只是錦上添花。問到若真的封后，最希望是憑哪一套劇集奪取，她說：「唔知呀！有得拎就得啦！講笑啫！兩個角色好唔同，《萬凰之王》嘅角色好具爭議性，因為都算係奸角，始終宮廷入面嘅角色好人性化，而《怒火街頭》我都只係喺最後一集同嘉穎打官司先攞分，好難估計，唔諗得咁多。」

嘉穎Bosco二選一

問到會否想憑付出較多的角色攞獎，杏兒說：「拍邊套劇唔辛苦呀？不過比較起嚟，《萬凰之王》辛苦啲，因為性格起伏較大，但最緊要係套劇收視好，觀眾又鍾意，因為台前幕後都好用心。」

記者笑指鄭嘉穎與她是螢幕情侶，黃宗澤（Bosco）則是現實情人，那她最想與誰一起稱帝封后？她甜笑說：「留番畀觀眾揀啦！（同Bosco有紀念性啲？）呢啲唔到我揀，要睇觀眾反應！」早前因踢爆Bosco鑽石耳環報大數，反被指多事的她，問到攞獎會否送較大粒的鑽石耳環給對方，她即撒嬌說：「以後都唔送，呢啲梗係男人送畀我啦！」

苟芸慧爆緋聞感Sorry

而早前拍攝外景期間，被指獲嘉穎獻殷勤的苟芸慧，對「緋聞」甚無奈，並表示連累嘉穎感到不好意思：「報道出咗我好Sorry！無啦啦累咗佢。（男友羅天宇介意？）佢唔介意，大家都係做呢行，好明白，不過我哋都想專注工作先。」