江若琳狂擦串燒瘦身夢碎

「Chok」並非男星專利！目前身處敦煌拍攝內地劇《巾幗大將軍》的江若琳，早前穿上全副武裝，反串拍攝造型照，遭工作人員取笑Chok過林峯，並因而獲封「Chok玲」，令她啼笑皆非。

身處敦煌拍攝內地劇《巾幗大將軍》的江若琳（Elanne），早前為劇集拍攝造型照時，女扮男裝上陣，遭工作人員取笑Chok過林峯，令她啼笑皆非：「佢哋幫我起咗個花名叫『Chok玲』，仲恭喜我躋身Chok星之列，真係激死！」

Elanne笑言Chok號得來不易，皆因經常要穿着重型「架生」開工，令她苦不堪言：「要着住幾十磅嘅盔甲，又要拎住好重嘅兵器，好難頂，我成日講笑話拍完套劇會矮幾吋。」

早前為新片《高舉愛情》增肥不少的Elanne，原本想趁到敦煌這個「荒蕪之地」拍劇時順道減肥，豈料卻因為當地夜市的串燒羊肉太吸引，令她大失預算：「估唔到呢度啲伙食咁好，搞到我個極速瘦身計劃咁就泡咗湯……最慘係之前我驚冇嘢食帶咗成篋杯麵，結果得個拎字。」

參觀軍營感動落淚

談到敦煌美景，Elanne笑言恍如一幅畫，令她覺得像去了第二個世界般。趣事連連的她又指早前與工作人員參觀搭建中的軍營時，因太感動即場落淚，令身旁的導演不知所措：「我講完『我嘅軍營呀』後就覺得好感動，忍唔住喊，真係好失禮，哈哈！」