鍾一憲麥貝夷奉旨打情罵俏

以情侶檔唱歌唱到人氣急升的歌手麥貝夷和鍾一憲，最近登陸ontv《娛樂on Show》，在主持周吉佩面前晒恩愛，麥貝夷大談收過最Sweet的禮物，而Jason則公開擇偶條件，言語間暗示麥貝夷是他那杯茶！

情侶檔搵銀熱潮吹到樂壇新人麥貝夷（Karene）和鍾一憲（Jason）身上，早前憑歌曲《勾手指尾》唱到街知巷聞的Karene和Jason食住個勢再次出擊搵銀，近日更孖住上ontv《娛樂on Show》與主持周吉佩大談兩人關係，問到Karene有否送過特別禮物給Jason？Karene只透露曾送情侶禮物給男性友人，未有提及Jason︰「之前都係送一啲情侶禮物畀男仔，好似手錶戒指。」她又指曾收到男朋友親手織的溫暖牌頸巾，甜在心頭︰「我估唔到男仔會親手織頸巾畀我，梗係開心啦！」

身形比例啱Key

此外，兩人又笑言由頭到腳的身形比例夾到爆︰「有一次我哋一齊出騷，照鏡嗰陣發現大家手同腳都一樣長，大家個外觀幾似o架！」問到Jason的擇偶條件？Jason透露Karene是他那杯茶︰「我鍾意女仔皮膚白，長頭髮嘅！」主持周吉佩則笑言Karene完全符合其擇偶條件，Jason即時顯得相當尷尬。

想知Karene是否鍾情Jason？Karene的擇偶條件是甚麼？兩人如何在節目中打情罵俏？快啲Click入ontv《娛樂on Show》去片啦！