歌手小肥近日終決定推出新碟，來自澳門的他透露今次新碟靈感是來自當地定時舉行的「黃昏音樂會」：「我鍾意喺細場表演，可能得百幾二百人圍住，冇乜顧忌，唔使好似上電視咁要計住晒唱幾耐。」他認為香港暫時未有很多適合搞迷你音樂會的場地，所以出碟後返澳門開音樂會的機會較大。
他在新碟一改以往聲嘶力竭的唱腔，望以柔和男聲感動人心：「練咗接近半年先錄音，以前唱腔好Show Off，依家就輕啲，技術上易咗，感情表達就難咗！」並笑言很多人認不出新歌中他的聲線！
小肥有意舉行迷你音樂會，一眾Fans必定捧場。
為求在音樂上作出突破，小肥努力練習新唱腔。
